தகவல் – தோட்டம் பொருட்கள் (சென்னை)

எனக்கு வார இறுதியில் நமது ப்ளாக் நண்பர்களிடம் இருந்து வரும் அழைப்புகளில் முக்கால்வாசி சென்னையில் இருந்து தான் வருகிறது. தமிழ்நாட்டில் முக்கால்வாசி பேர் சென்னையில் தான் இருக்கிறார்கள் போல :-).

நிறைய பேர் மாடித் தோட்டம் பற்றி தான் ஆர்வமாய் கேட்கிறார்கள். முக்கியமாக Grow Bags, மண்புழு உரம் மற்றும் Coir Pith எங்கே வாங்கலாம் என்று கேட்கிறார்கள். கோவையில் தோட்டம் சம்பந்தமாக எங்கே என்ன கிடைக்கும் என்று என்னிடம் நிறைய விவரங்கள் இருக்கிறது (நண்பர்கள் மூலமாகவும், இணையம் மூலமாகவும் தேடி கண்டுபிடித்தது). ஆனால் சென்னையை பற்றி பெரிதாய் விவரம் இல்லை. என்னால் எந்த அளவுக்கு கோவையில் இருந்து உதவி செய்ய முடியும் என்று தெரியவில்லை.

Coir Pith block-வை விட மிக முக்கியமாக நமக்கு மண்புழு உரம் தேவை. நிறைய தேவை (எனது ஒரு சீசனில் மண்புழு உர தேவை 200 Kg ). அதை நாம் மற்ற ஊர்களில் இருந்து அனுப்பி வைப்பது சாத்தியமில்லை (சுண்டைக்காய் கால் பணம், சுமைக்கூலி முக்கால் பணம் என்பது போலாகிவிடும்). மண்புழு உரம் லோக்கலில் வாங்குவது தான் நல்லது. ஆனால் சில நண்பர்கள் கிலோ 30 ரூபாய்க்கு வாங்குவதாக கூறினார்கள். இவ்வளவு அதிக விலை கொடுத்து வாங்கி தோட்டம் போட்டால் கம்பெனி அநியாயத்திற்கு நஷ்டத்தில் தான் ஓடும். மண்புழு உரத்தின் விலை இங்கே TNAU-ல் கிலோ Rs.6. நான் வெளியே கிலோ Rs.7.50 க்கு வாங்குகிறேன். கிலோ பத்து ரூபாய் வரை கொடுக்கலாம். Grow Bags, விதைகள் கூட இணையத்தில் வாங்கி கொள்ளலாம். ஆனால் தோட்டம் ஆரம்பிப்பதற்கு முன்பு மண்புழு உரம் கிடைப்பது பற்றி விசாரித்துக் கொள்ளுங்கள்.       

அடுத்தது விதைகள். பத்து ரூபாய்க்கு மேல் விதை பாக்கெட்டுக்கு செலவு செய்யாதீர்கள். நான் போன பதிவில் பரமேஸ் பற்றி விவரம் கொடுத்திருந்தேன். அவரிடம் எல்லா விதைகளும் கிடைக்கிறது. இல்லாவிட்டால் பக்கத்தில் உரக்கடைகளில் விசாரித்து பாருங்கள். இங்கே கோவையில் Arjun Grow Bag-ல் எல்லா விதைகளும் கிடைக்கிறது. வேண்டுமென்றால் என்னால் வாங்கி அனுப்ப முடியும் (நண்பர் பரமேஸ் கொடுத்திருக்கும் பட்டியலில் இல்லாத விதைகள் ஏதும் இருந்தால்). சில ஆங்கில காய்கறிகள் (Capsicum, Cauliflower, Baby Corn, Broccoli) விதைக்கு மட்டும் இணையத்தில் 30-40 ரூபாய்க்கு வாங்கி கொள்ளலாம் (Omaxe Hybrid Seeds, Biocarve seeds).      

என்னிடம் இருக்கும் சென்னை தகவல்கள் கீழே,

மண்புழு உரம்

     நண்பர் ShedraBala போன வாரம் பகிர்ந்து கொண்ட தகவல்,

     மண்புழு உரம் in Porur,( Near MGR Statue), Arcot Rd, Chennai.

Sundaram Agro Center. Ph: 044-2476 7599.

Per kg Rs.10.

     தமிழ்நாடு வேளாண் பல்கலை கழகம் (TNAU) – மாதவரம் அல்லது திருவான்மியூர் எண் கிடைத்தால் விசாரித்து பாருங்கள். திருவான்மியூர் TNAU-ல் இருந்து ஒருவர் எண் கிடைத்திருக்கிறது. விசாரித்து பார்த்து பகிர்ந்து கொள்கிறேன்.  

இது தவிர லோக்கல் நர்சரிகளில் வைத்திருப்பார்கள். விலை குறைவாக தான் இருக்கலாம். விசாரித்து பாருங்கள்.

Grow bags, Coir Pith Blocks, விதைகள்.

இது நமது பிளாக் நண்பர் மூலமாக கிடைத்த தகவல். நேற்று SUSI SEEDS-ஐ தொடர்பு கொண்டு பேசினேன். அவர்களிடம் எல்லாமும் கிடைக்கிறது. Coir Pith 5 Kg Block விலை Rs.120 என்றார்கள். விலை பரவாயில்லை தான். மண்புழு உரம் Rs.30/Kg என்றார்கள். இது மிக விலை அதிகம். ஆனால் Grow bags, Coir Pith Blocks, விதைகள் வாங்கி கொள்ளலாம். T.Nagar Bus Stand அருகில் உள்ள Police Station-க்கு எதிரில் உள்ள தெரு என்றார்கள் (Natesan Street). இந்த தெருவில் இதே போல நிறைய கடைகள் இருப்பதாக இந்த தகவலை பகிர்ந்து கொண்ட நண்பர் கூறினார்.  

     

SUSI SEEDS,

Shop No:2-C, Ground Floor, Singapore Complex,

32/24 Natesan Street,

T.Nagar, Chennai - 600017.

                 

Parallel Street to Ranganathan Street, T.Nagar.

                 

Phone: 044 - 24337787

             9962955119

நம்மில் நிறைய சென்னை நண்பர்கள் தோட்டப் பொருட்கள் கிடைக்கும் இடம் பற்றி விவரம் வைத்திருப்பீர்கள். அதை மற்ற நண்பர்களுக்கும் பயன்பட இந்த பதிவில் உங்கள் கமெண்டுகளை பதியுங்களேன். நாம் மொத்தமாக தொகுத்து கொடுத்தால் நிறைய நண்பர்களுக்கு பயன்படும்.

மற்ற ஊர்களில் இருக்கும் நண்பர்களும் உங்கள் ஊர்களில் கிடைக்கும் பொருட்கள் விவரம் இருந்தால் பகிர்ந்து கொள்ளுங்கள்.

நண்பர் Vallamuthu Madheswaran பகிர்ந்து கொண்ட தகவல்,

சென்னை நியூ பெருங்களத்தூரில் 1 கிலோ  5.50 ரூபாய்க்கு மண்புழு உரம் கிடைக்கிறது. நியூ பெருங்களத்தூர் பஸ் ஸ்டாண்டில் இருந்து 1/2 கிலோமீட்டர் தொலைவில் வேளாண்துறை உள்ளது. அங்கு கிடைக்கிறது. 

தோழி Shobana janani பகிர்ந்து கொண்ட சென்னை தகவல்,

Shop to buy seeds n other garden products at T.NAGAR
Sakthi seeds ,
Uma complex(first complex from mambalam Railway station)
21,natesan st,
t.nagar,chennai-17

ph:044-24329207,9444874389,7401035222

தோட்டம் – கேள்வி-பதில் – Part-1

நிறைய நண்பர்கள் என்னிடம் தோட்டம் பற்றி பேசும் போது கேட்ட பொதுவான கேள்விகளை ஒரு தொகுப்பாக கொடுக்கிறேன். மற்ற நண்பர்களுக்கும் பயனுள்ளதாக இருக்கும் என்று நினைக்கிறேன். உங்களுக்கும் ஏதும் கேள்விகள் இருந்தால் கூறுங்கள், எனக்கு தெரிந்ததை பகிர்ந்து கொள்கிறேன்.

விதைகளை எவ்வளவு ஆழத்தில் இட வேண்டும்? எவ்வளவு நாளில் முளைக்கும்?

பொதுவாய் இவ்வளவு ஆழத்தில் நட வேண்டும் என்று கணக்கு எல்லாம் போட வேண்டியதில்லை. அவரை, வெண்டை போன்று கொஞ்சம் பெரிய விதைகளை 1 – 1½  இஞ்ச் ஆழத்தில் இடலாம். கத்தரி, தக்காளி, கீரை போன்று சிறிய விதைகளை கொஞ்சம் கிளறி விட்டு தூவி விட்டு மூடி விட்டால் போதும் (ஒரு ½ இஞ்ச்). பெரிய கிழங்கு வகைகளை (பிடி கரணை மாதிரி) இன்னும் ஆழத்தில் நட வேண்டும் (3 – 4 இன்ச்). விதை முளைக்கும் போது மண்ணை விட்டு வெளியே வரும் அளவுக்கு ஒரு மனக்கணக்கு வைத்து விதைக்க வேண்டியது தான்.

கீரை மாதிரி செடிகள் விதைத்து இரண்டு-மூன்று நாளிலேயே முளைத்து விடும். மற்ற காய்கறி விதைகள் ஐந்தில் இருந்து ஏழு நாட்கள் வரை ஆகும். நாம் இந்த நாட்களை பெரிதாய் அலட்டிக் கொள்ள தேவை இல்லை. ஒரு பத்து நாட்களுக்கு மேல் எடுத்துக் கொண்டால், விதையில் ஏதோ பிரச்சினை என்று நினைத்துக் கொள்ளலாம். கிழங்கு வகைகள் இரண்டு வாரத்தில் இருந்து ஒரு மாதம் வரை கூட எடுக்கும்.       

எத்தனை நாளுக்கு ஒரு முறை நீர் விடுவது?

இது நாம் எந்த growing media-வில் வளர்கிறோம் என்பதை பொறுத்தது. வெறும் தரையில் வளர்க்கும் போது நன்றாக வளர்ந்த செடிகளுக்கு மூன்று – நான்கு நாட்களுக்கு ஒரு முறை நீர் விட்டால் போதும். Coir Pith மீடியா என்று போகும் போது இரண்டு நாட்களுக்கு ஒரு முறை விட வேண்டியது வரும்.

முதலில் நாற்று எடுத்து நட்ட பிறகு செடி ஓரளவுக்கு பெரிதாக வரும் வரை தினமும் நீர் விட வேண்டும். சின்ன செடிகளில் வேர் ஆழமாய் போய் இருக்காது. அதனால் தினமும் நீர் விட வேண்டிய வரும். பைகளில் வைக்கும் ரொம்ப சிறிய செடிகளுக்கு (கீரை, தக்காளி மாதிரி) ஒரு சின்ன கப்பில் நீர் எடுத்து உள்ளங்கையில் கொஞ்சமாய் எடுத்து செடிகளுக்கு விடலாம். பூ வாளியில் அப்படியே தெளித்து விட்டால் நிறைய செடிகள் வேரோடு சரிந்து போய் விடும்.    

செடி பெரிதாய் வளர்ந்த பிறகு தினமும் நீர் விடுவது நல்லதில்லை. அப்படி விடும் போது செடியின் வேர் நிலத்தின் மேலேயே பரவி விடும். ஆழமாய் போகாது. அதனால் தேவையான சத்துக்களை பெற முடியாமல் போகலாம். வேர் எவ்வளவு ஆழமாய் போகிறதோ செடி அவ்வளவு ஆரோக்கியமாய் வரும்.  

நீர் விடும் போது இலைகளில் படாமல், அடிபகுதியை சுற்றி விடுவது நல்லது (நாம் பொதுவாக செடியின் மேல் தெளித்து ஒரு fresh feel கிடைப்பது மாதிரி செய்வோம்). இலைகளில் தெளிக்கும் போது அந்த ஈரத்தால் பூஞ்சை போன்று சில பிரச்சனைகள் செடிகளுக்கு வரலாம்.

அதிகாலையில் நீர் விடுவது நல்லது. நல்ல வெயில் வந்து நிலம் சூடான பிறகு நீர் விடுவதை தவிர்க்க வேண்டும். மாலையில் நீர் விடுவதும் நல்லதில்லை என்றே சொல்கிறார்கள். மாலையில் நீர் விடும் போது மேல் ஈரம் அப்படியே காயாமல் இருப்பதால் சில பூஞ்சை சார்ந்த நோய் தாக்குதல் வரலாம் என்கிறார்கள்.      

ஒரு செடி நல்ல ஆரோக்கியமாய் கொண்டு வர என்ன செய்ய வேண்டும்?

ஒரு செடியின் ஆரோக்கியம் நிறைய காரணிகளை சார்ந்து உள்ளது.

முதலில் நல்ல விதையாய் இருக்க வேண்டும். ரொம்ப நாளைக்கு விதைகளை வைத்து பயன்படுத்த வேண்டாம். ஒரு வருடத்திற்கு மேல் இருந்தால் தூர போட்டு விட்டு புதிதாய் வாங்கி பயன்படுத்தவும்.   

அடுத்தது, மிக முக்கியமாய் செடிக்கு ஒரு நாளைக்கு எவ்வளவு நேரம் சூரிய வெளிச்சம் கிடைக்கிறது என்பது. குறைந்தது ஐந்து மணி நேரமாவது நல்ல (நிழல் இல்லாமல்) சூரிய வெளிச்சம் வேண்டும். அதற்க்கு மேல் எவ்வளவு கிடைக்கிறதோ அவ்வளவு ஆரோக்கியமாய் செடி இருக்கும். சூரிய வெளிச்சம் குறைவாக கிடைக்கும் இடத்தில வைத்து நாம் என்ன தான் உரத்தை அள்ளி போட்டாலும் பயனில்லை.

மூன்றாவது, நிலத்தின் தன்மை (growing media) மற்றும் சத்துக்கள்.  செடிகளுக்கு நீருக்கு (Hydrogen, Oxygen) அடுத்த படியாக முதன்மை சத்துக்கள் என்றால் NPK (நைட்ரஜன், பாஸ்பரஸ், பொட்டாசியம்). இதை தான் தழைச்சத்து (N), மணிச்சத்து (P), சாம்பல்சத்து (K) என்கிறார்கள். இதை தவிர கால்சியம், மக்னீசியம், சல்பர் ஓரளவுக்கு செடிக்கு வேண்டும். இன்னும் சில தனிமங்களும் (boron (B), copper (Cu), iron (Fe), chloride (Cl), manganese (Mn), molybdenum (Mo) and zinc (Zn) ) குறைந்த அளவில் தேவைபடுகிறது. இதில் எதாவது தேவையான அளவுக்கு குறைவாக கிடைக்கும் போது செடிகள் அதற்கான அறிகுறிகளை காட்டும் (இலைகள் வெளிறி போவது, பூ உதிர்வது, பிஞ்சி பிடிக்காமல் போவது மாதிரி).

நாற்று விடும் போதே நல்ல சத்துள்ள மீடியாவாக வைத்துக் கொள்வது நல்லது. முதலில் சரியாய் வராத செடி (நிறம் வெளிறி போன, வளர்ச்சி குன்றி போன செடி) நாம் மறுபடி உரம் போட்டால் உடனே நல்ல நிலைக்கு வருவது கடினம். கொஞ்சம் காலம் எடுக்கும்.

நல்ல செம்மண்ணில் தேவையான சத்துக்கள் செடிக்கு எளிதாக கிடைக்கும். ஆனால் சிறிது காலம் கழித்து அவை தீர்ந்த பிறகு உரம் இடுவது அவசியம் ஆகிறது. இந்த தனிமங்களை தனி தனியாக வாங்கி போட முடியாது (ரசாயன விவசாயத்தில் NPK உரம் உப்பு மாதிரி கிடைக்கிறது. அதை போட்டு தான் நிலத்தில் மண்புழுவில் இருந்து நுண்ணுயிர் வரை எல்லாவற்றையும் காலி செய்து நவீன விவசாயம் நடந்து கொண்டிருக்கிறது). இயற்கை விவசாயம் என்று போகும் போது நாம் முக்கியமாய் மண்புழு உரம், சாணம் சார்ந்த உரத்தை தான் நம்பி இருக்கிறோம். அதை தவிர காய்கறி கழிவை மக்க வைத்து உரமாக்கி போடலாம். இலை சருகுகளை மக்கவைத்து போடலாம். மொத்தத்தில் நிலத்தில் மண்புழுக்களும், நுண்ணுயிகளும் செழிப்பாக இருக்கும் படி பார்த்துக் கொண்டாலே போதும்.    

Coir Pith மீடியா போகும் போது கண்டிப்பாக நிறைய மண்புழு உரம் தேவை. தவிர கொஞ்சம் செம்மண் கலப்பதும் அவசியம். அப்போது தான் அத்தனை தனிமங்களும் கிடைக்கும். வெறும் Coir Pith என்பது வெறும் மக்கு தான். அதில் ஒன்றுமே கிடையாது. நாற்று எடுக்க கூட வெறுமனே அதை மட்டும் பயன்படுத்த வேண்டாம். செடி முளைக்கும். ஆனால் அதற்க்கு ஒரு சத்து கூட கிடைக்காது. செடி முளைத்த உடனேயே குன்றி போய் விடும்.

எந்த எந்த காலங்களில் எந்த காய்கறி பயிரிட வேண்டும்?

ஒவ்வொரு காய்கறிக்கும் ஒவ்வொரு பருவம் சொல்கிறார்கள். அந்த காலங்களில் அவைகள் நல்ல விளைச்சல் கொடுக்கும். ஆனால் வீட்டுத் தோட்டம் என்று போகும் போது நமக்கு வருடம் முழுவதுமே விளைச்சல் தேவை. ஆங்கில காய்கறிகளை மட்டும் (முட்டை கோஸ், காலி ஃப்ளவர் மாதிரி) ஜூன்-ஜூலை-யில் விதைத்து நவம்பர்-டிசம்பரில் அறுவடை செய்வது போல பார்த்துக் கொள்ளலாம். அவைகள் இங்கே கோடை வெயிலுக்கு எல்லாம் வராது. மற்ற படி நாம் பொதுவாய் ஜூன்-ஜூலையில் ஒரு பருவமும், ஜனவரி-யில் இன்னொரு பருவமும் ஆரம்பிக்கலாம். இடையில் தேவைக்கேற்ற படி நடவு செய்யலாம். பருவத்திற்கு ஏற்றபடி சிலநேரம் காய்கறிகளின் விளைச்சல் மாறுபடலாம். அதனால் ஒன்றும் பெரிதாய் யோசிக்க தேவையில்லை.    

படமே இல்லாமல் தோட்டம் பதிவா... தோட்டம் பற்றி இல்லை...நான் முன்பு எனது Digital Camera-வில் எடுத்த சில படங்கள், உங்களுடன் பகிர்ந்து கொள்கிறேன். Camera - Sony H2, 2006-ல் வாங்கியது. ஒன்பது வருடங்கள் ஆகிவிட்டது. இன்னமும் இது தான் எனது தோட்டத்தை படம் எடுக்கிறது. 

Sun Set

கீழே உள்ளது ஊருக்கு அருகே உவரி பக்கத்தில் காலையிலேயே போய் காத்திருந்து எடுத்தது.

Sun Rise

 

இந்த பறவை ஒரு நாள் தெரியாமல் வீட்டுக்குள் வந்து விட்டது.  அதை கொஞ்ச நேரம் கதவை எல்லாம் சாத்தி house arrest செய்து எடுத்த படம்,