2014 சீசன்-2 (ஜூன்) – பகுதி-2 (விதை தேர்வு)

பதிவுக்கு போவதற்கு முன், அடுத்த சனி, ஞாயிறு இங்கே கோவையில் அக்ரி இன்டெக்ஸ் (கொடிசியா வளாகத்தில்). நான் ஞாயிறு (20-July) காலை பத்து மணி முதல் பன்னிரண்டு மணி வரை அங்கே தான் சுற்றிக் கொண்டிருப்பேன். ஞாயிறு காலை வரும் நண்பர்கள், முடிந்தால் ஒரு Final Confirmation மெயில் அனுப்புங்கள். கொடிசியா வளாகத்தில் சந்திக்கலாம்.

நிறைய நண்பர்கள் விதை வாங்குவது பற்றி கேட்டிருக்கிறார்கள். அவர்களுக்கு இந்த பதிவு ஓரளவுக்கு பயனுள்ளதாக இருக்கும் என்று நினைக்கிறேன். 

விதை எனும் போது முதலில் நாட்டு விதைகள், ஹைப்ரிட் விதைகள் என்று இரு பெரும் பகுதிகளாக வரும். வீட்டு தோட்டத்தில் முடிந்தால் (கிடைத்தால்) நாட்டு ரகங்கள் வளர்ப்பது நல்லது. ஆனால் எல்லோருமே நாட்டு விதைகள் என்று தேடுவதை பார்த்து, எங்கு பார்த்தாலும் எல்லாவற்றையுமே நாட்டு விதைகள் என்று தான் சொல்லி விற்கிறார்கள். அதில் எந்த அளவுக்கு நம்பக தன்மை இருக்கிறது என்று தெரியவில்லை முக்கிய காய்கறிகளான கத்தரி, தக்காளி மாதிரி செடிகளுக்கு நாட்டு ரகங்கள் முயற்சிக்கலாம்.

நிறைய செடிகளுக்கு நாம் ஹைப்ரிட் ரகங்கள் தான் போக வேண்டிய வரும் (TNAU கொடுப்பது ஹைப்ரிட் மட்டும் தான் ). இணையங்களில் பொதுவாக ஹைப்ரிட் விதைகள் தான் கிடைக்கிறது (சில தளங்களில் நாட்டு விதைகள் என்றும் வைத்திருக்கிறார்கள்).

‘வானகம்’ நாட்டு விதைகள் - நான் இந்த தடவையில் இருந்து கொஞ்சம் நாட்டு ரகங்களுக்கு மாறலாம் என்று நினைத்திருந்தேன். மறைந்த நம்மாழ்வார் ஐயாவின் ‘வானகம்’ ஸ்டாலில் ஒரு முறை எல்லா நாடு விதைகளும் கிடைத்தது. சில ரகங்கள் தான் வாங்கி வந்தேன். இந்த முறை தக்காளி, வெண்டைக்காய், அவரை, சீனி அவரை (கொத்தவரை) நாட்டு ரகங்கள் தான்.

BioCarve.com - முதல் முறையாக சில விதைகளை இணையத்தில் ஆர்டர் செய்தேன். அதில் Biocarve.com இணையத்தில் இருந்து தான் எல்லா இங்க்லீஷ் காய்கறிகளும் வேறு சில காய்கறிகளும் ஆர்டர் செய்தேன். கோஸ், சிவப்பு முள்ளங்கி (Red Globe Radish),  கேரட், broccoli, குடை மிளகாய், பெரிய வெங்காயம், Sweet Corn. பாக்கெட் ஒவ்வொன்றும் முப்பது ரூபாய் தான். Shipping Charge-ம் நியாயமாகவே இருந்தது. Net Banking வசதியும் இருக்கிறது. ஆர்டர் செய்து இரண்டு நாளில் அனுப்பி விட்டார்கள். மூன்று நாளில் விதை கிடைத்து விட்டது. Packing ரொம்பவே நன்றாக செய்திருந்தார்கள்.

omaxehybridseeds.com  - Biocarve.com-ல் பீட்ரூட் மட்டும் இல்லை. அதனால் omaxehybridseeds.com  ல் பீட்ரூட் மற்றும் Baby Corn விதைகளை ஆர்டர் செய்தேன். நான் முன்பு வெற்றிகரமாய் கொண்டு வந்த கேரட், கோஸ், காலி ஃப்ளவர் எல்லாம் omaxe seeds  தான். omaxehybridseeds.com- ல் Internet Banking வசதி இல்லை. Credit/Debit Card Accept செய்கிறார்கள். ஆச்சரியமூட்டும் வகையில் அவர்களின் Shipping Charges இருக்கிறது. எதை வாங்கினாலும் அதில் 10% தான் Shipping Charges எடுக்கிறார்கள். நாற்பது ரூபாய்க்கு ஒரு பாக்கெட் விதை வாங்கினால் நான்கு ரூபாய் தான் Shipping Charges. எப்படி என்று தெரியவில்லை. நான் இரண்டு பாக்கெட் ஆர்டருக்கு மொத்தம் Rs. 88 ஆனது. (Seed Rs.80 & Shipping Rs. 8) . எக்கச்சக்கமாய் காய்கறி விதைகள், பூ விதைகள் என்று கொட்டி கிடக்கிறது omaxehybridseeds.com  ல்.

ஒரே ஒரு பிரச்னை, Payment ஆன பிறகு சும்மா ‘Payment Successful’ என்றொரு Blank page வந்து அப்படியே நின்று போய் விட்டது. Order Confirmation மெயில் வந்தது. ஆனால் இந்த சைட்டில் சும்மா basket-ல் சேர்த்து check-out Click செய்தாலே Order Confirmation மெயில் வருது. இது அடுத்த பிரச்னை. மூன்று மெயில் அனுப்பி கேட்ட பிறகு அனுப்பியாச்சு என்று ஒரு மடல் (With Tracking Number) அனுப்பி இருந்தார்கள். ஒரு வழியாய் இரண்டு வாரங்கள் கழித்து பார்சல் வந்து சேர்ந்தது. ஓரளவுக்கு கூரியர் பிரச்னை பற்றி அனுப்பிய சில மடலுக்கு பதில் கொடுத்தார்கள் (சென்னைக்கு ஜூன்-21 வந்து சேர்ந்ததாக Tracking-ல் காட்டியது. ஆனால் கோவை வர இரண்டு வாரங்கள். ஜூலை-5 தான் வந்து சேர்ந்தது). சில பிரச்சனைகள் இருந்தாலும், கொஞ்சம் பொறுமை இருந்தால் ஆர்டர் செய்யலாம்.

மற்ற தளங்கள் – விதைகள் கிடைக்கும் மற்ற தளங்கள் என்று பார்த்தால், சிலர் ebay தளத்தை கூறுகிறார்கள். ஆனால் விலை அநியாயத்திற்கு அதிகமாய் இருக்கும். நான் இதுவரை எதுவும் வாங்கியதில்லை. மற்றபடி, www.gardenguru.in தளத்தை கூறலாம். நாட்டு விதைகள் கூட இருக்கிறது. இதிலும் நான் இன்னும் எதுவும் வாங்கவில்லை.  

TNAU Seeds – இங்கே கோவை TNAU-ல் சில அடிப்படை காய்கறி விதைகள் கிடைக்கும். அங்கே இருக்கும் Seed Vending Machine பற்றியும் முன்பு எழுதி இருந்தேன். நிறைய வகைகள் கிடைப்பதில்லை. கத்தரி, தக்காளி, செடி அவரை, கொத்தவரை, சாம்பல் பூசணி, பாகல், சுரைக்காய் எல்லாம் கிடைக்கும். பத்து ரூபாய் தான் பாக்கெட். TNAU Seeds-ஐ பொருத்தமட்டில் முளைப்பு விகிதமும் சரி, விளைச்சலும் சரி ஆச்சரியப்படுத்தும் விதத்தில் இருக்கும். சரியான Exp. Date போட்டு இருக்கும்.

முன்பு TNAU-ல் விதைகளை நுழைவு வாயிலில் உள்ள ஒரு கடையில் கொடுப்பார்கள். இந்த Vending Machine வந்ததில் இருந்து ஓன்றும் உருப்படியாய் இல்லை. இந்த வாரம் போய் பார்த்ததில் வெறும் கொத்தவரை, வெள்ளை பூசணி,பாகல்  விதை பாக்கெட்டுகளை மட்டும் வைத்து நிரப்பி வைத்திருக்கிறார்கள். ஒரு அடிப்படை காய்கறி விதை கூட இருப்பதில்லை. கொஞ்ச காலமாகவே இப்படி தான் ஏனோ தானோ என்று தான் வைத்திருக்கிறார்கள்.     

ARJUN GrowBags Seeds -  இதை தவிர, கோவையில் ARJUN GrowBags பற்றி முன்பு எழுதி இருக்கிறேன். அவர்களிடமும் கிட்டதட்ட எல்லா விதைகளும் கிடைக்கிறது. காய்கறி விதைகள் பத்து ரூபாய் தான். காரட், கோஸ் விதைகள் கூட கிடைக்கிறது. சில பூ விதைகள் கூட இருக்கிறது (விலை பதினைந்து ரூபாய் தான்). நான் சில விதைகள் வாங்கி பயன்படுத்தி இருக்கிறேன். நன்றாக வந்திருக்கிறது.

இது  தவிர இங்கே கோவையில் Sakthi Agro Service கடை பற்றியும் முன்பு ஒரு முறை எழுதி இருக்கிறேன் (வடவள்ளி சிக்னல் அருகில், TNAU க்கு முன், சிக்னல் அருகிலேயே). அங்கேயும் நிறைய விதைகள் (பீட்ரூட் முதல் கொண்டு) கிடைக்கிறது. விலை பத்து ரூபாய் தான்

நல்ல நாட்டு செடி என்றால் நான் பொதுவாய் ஒரு காயை விதைக்கு விட்டு அடுத்த சீசனுக்கு நாற்று எடுத்து கொள்வேன். போன சீசனில் ஊரில் இருந்து கொண்டு வந்த வெள்ளை கத்தரி நன்றாக காய்த்தது. இந்த முறை அதில் இருந்து தான் நாற்று எடுத்து விட்டிருக்கிறேன். செடி நன்றாக வந்திருக்கிறது. இப்படி நாம் வெண்டை, தக்காளி, மிளகாய், அவரை, கொத்தவரை செடிகளில் இருந்து விதை எடுத்து அடுத்த சீசனுக்கு பயன்படுத்தி கொள்ளலாம். Hybrid Seed-ல் இருந்து கொண்டு வரும் செடிகளில் இருந்து எடுப்பது அவ்வளவாய் பயன் தராது. செடி வரும். ஆனால் காய்க்கும் திறன் மாறுபடும்.

நான் முன்பு கூறியது மாதிரி, காய்கறி விதைகளுக்கு நிறைய செலவு செய்ய வேண்டியதில்லை. பாக்கெட் பத்து ரூபாய் என்ற அளவில் வாங்கினால் போதும். கிடைக்காத முட்டைகோஸ், ஃப்ளவர், மாதிரி வேண்டுமென்றால் இணையத்தில் முப்பது, நாற்பது ரூபாய்க்கு வாங்கலாம். Ebay மாதிரி இணையத்தில் நூறு ரூபாய் எல்லாம் கொடுத்து வீட்டுத் தோட்டத்திற்க்கு வாங்க தேவை இல்லை.

முளைப்பு திறனை பொருத்தமட்டில் எல்லா கம்பெனி விதைகளிலும் நமக்கு 90%  Germination Rate கிடைக்கும் என்று சொல்ல முடியாது. 50% முளைத்தால் கூட நமக்கு போதும். அதற்கு ஏற்ற மாதிரி கொஞ்சம் அதிகமாகவே முளைக்க போட்டுக் கொள்ளலாம். முடிந்த அளவுக்கு விதைகளை அந்த வருடமே பயன்படுத்தினால் நல்லது. நீண்ட நாள் சேமித்து வைத்தால் எதிர்பார்த்த அளவு முளைக்கவும் செய்யாது, விளைச்சலும் கிடைக்காது. அதனால் வீட்டுத் தோட்டத்திற்கு முடிந்த அளவுக்கு சிறிய பாக்கெட் வாங்குங்கள். நாட்டு ரகங்கள் காய்க்கும் போது, கண்டிப்பாய் அடுத்த சீசனுக்கு விதைகள் எடுத்து கொள்ள வேண்டும்.

எந்த கம்பெனி விதைகள் நன்றாக இருக்கும் என்று கேட்டால், எதையும் குறிபிட்டு கூற முடியாது. இந்த முறை முப்பது ரூபாய் கொடுத்து BioCarve.com-ல் வாங்கிய கேரட் விதைகள் பல்லை இளித்து விட்டு போய் விட்டது ( 0% Germination). ஆனால் பிறகு பத்து ரூபாய்க்கு Arjun Growbags-ல் வாங்கிய கேரட் விதை எல்லாமுமே முளைத்து விட்டது (90% Germination இருக்கும்). BioCarve.com-ல் வாங்கிய மற்ற விதைகள் பரவாயில்லை தான். அதனால் நாம் எதையும் குறிபிட்டு கூட முடியாது. முளைப்பு திறனும், விளைச்சலும் நமக்கு கிடைக்கும் விதையின் தரத்தை பொறுத்தே அமையும்.

(தொடரும்)

                         

தோட்டம் – தகவல்-1 (Coir Pith, Seedling Tray மற்றும் Grow Bags)

போன பதிவில் கோவையில் வீட்டுத் தோட்டம் பயிற்சி வகுப்புகளின் ஆக்கம் பற்றி எழுதி இருந்தேன். நான் இணையத்திலும், சில Exhibition stalls மூலமாகவும், நேரிலும் தோட்டத்திற்க்கு தேவையான பொருட்கள் இங்கே கோவையில் கிடைக்கும் விவரங்களை இந்த பதிவில் பகிர்ந்து கொள்கிறேன். நண்பர்கள் மற்ற நகரங்களில் உள்ள நிறுவனங்கள்/விவரங்கள் பற்றியும் பகிர்ந்து கொண்டால் மற்றவர்களுக்கு உதவியாய் இருக்கும்.

COIR PITH

Coir Pith (தேங்காய் நார் தூள்) பற்றி விவரமாக என்னுடைய மாடித் தோட்டம் முதல் பதிவில் கூறி உள்ளேன். மாடித் தோட்டம் என்று போகும் போது Coir Pith மிக முக்கிய பொருளாக இருக்கிறது. Coir Pith வைத்து மீடியா தயாரிக்கும் போது தொட்டிகளின் எடை ரொம்பவே குறைவு. எனது அனுபவத்தில் தரையில் சுமாராக வரும் செடிகள், கீரைகள் கூட இந்த Coir Pith மீடியாவில் அருமையாக வருகிறது.

இது ஒரு கிலோ, ஐந்து கிலோ என compress செய்து கேக் வடிவில் கிடைக்கிறது. இங்கே கோவையில் சித்ரா கிருஷ்ணசாமி அவர்கள் Coir Pith-ஐ மாடி தோட்டத்தை ஊக்குவிக்கும் ஒரு சேவையாக அவர்கள் வீட்டிலேயே ஒரு அலுவலகத்தில் வைத்து ஐந்து கிலோ கேக் COIR PITH Rs.30 க்கு கொடுக்கிறார்கள். மாடி தோட்டத்தை ஊக்குவிக்க இதை ஒரு சேவையாகவே அவர்கள் இங்கே கோவையில் செய்து வருகிறார்கள். கூடவே Swastika என்று நிறுவனமாய்,  Dailydump.org நிறுவனத்தோடு இணைந்து காய்கறி கழிவுகளை மக்கவைத்து உரமாக மாற்றும் Compost Kamba-க்களையும் ஒரு சேவையாக பெங்களூரில் இருந்து வரவழைத்து அதே விலைக்கு இங்கே கோவையில் தருகிறார்கள். நான் ஒரு நாள் டெமோ பார்க்க சென்றிருந்தேன். Compost Kamba ஓன்று வீட்டில் நிறுவ ஐடியா இருக்கிறது. செய்தபிறகு விவரமாய் எழுதுகிறேன்.   

ARJUN GROW Bags என்ற நிறுவனம் சில Fair போன போது அறிமுகம் ஆனது. அவர்களிடம் தான் நான் முதன் முதலில் Coir Pith வாங்கி முயற்சித்தேன். Rs.45 என்ற விலையில் கொடுத்தார்கள்.

இதை தவிர இதே ஐந்து கிலோ Coir Pith கேக்கை 100-க்கும்  120-க்கும் விற்கும் நிறுவனங்கள் கூட நிறைய இருக்கின்றன. கேட்டால் EC கம்மி செய்திருக்கிறோம். Sterilize செய்திருக்கிறோம் என்று கூறி குழப்பி விடுகிறார்கள். விவரம் இல்லாத மக்கள் அதையும் வாங்கி போகிறார்கள், அது ஏதோ கிடைக்காத பொருள் என்று. இங்கே பொள்ளாச்சி அருகில் எக்கச்சக்க Coir Industries எக்கச்சக்கமாய் இருக்கிறது. அங்கே போனால் இன்னும் விலை குறைவாகவே வாங்கி வரலாம்.

EC-ஐ குறைக்க நன்றாக அதை நீரில் அலசி போட்டால் போதும். நான் முதன் முதலில் Coir Pith வாங்கிய போது, விவரம் தெரியாமல் உதிர்த்து அப்படியே பயன்படுத்து விட்டேன். மறுமுறை ஒரு Fair, போனபோது ‘கண்டிப்பா கழுவி தான் பயன்படுத்தணும். இல்லன்னா செடி முளைக்காது என்றார்கள்’. ஆனால் நான் முதலில் நிரப்பிய தொட்டியில் அருமையாக Dahliaபூ செடியும், தக்காளியும் வளர்ந்திருக்கின்றன. எனவே EC பற்றி ரொம்ப குழப்பி கொள்ள தேவை இல்லை.

COIR PITH in KOVAI

1.       பெயர்/நிறுவனம் - Chitra Krishnaswamy / Swastika  

இணைய முகவரி - http://www.dailydump.org/cities/coimbatore  

http://www.thehindu.com/sci-tech/energy-and-environment/tomatoes-on-the-terrace/article4727370.ece

தொடர்பு எண்  – முருகன் என்பவரை 9842215935 எண்ணில் தொடர்பு கொண்டு பேசி பாருங்கள்.

இடம் - Chandragandhi Nagar, near PSG Hospital.

வழி : சித்ரா/கொடிசியாவில் இருந்து அவினாசி ரோட்டில் வரும் போது (Towards GandhiPuram),  Fun Republic Mall ஒட்டிய Signal தாண்டியதும், அடுத்த சிக்னல் PSG. அதை ஒட்டி இடது பக்கம் திரும்பவும் (ஒரு பழமுதிர்சோலை சிக்னல் அருகில் இருக்கும். அதை ஒட்டி இடது பக்கம்)       

  

NURSERY/SEEDLING TRAY

Nursery Tray பற்றி இந்த பதிவில் விவரமாய் எழுதி உள்ளேன். நாம் தோட்டத்தில் எல்லா விதமான காய்கறி, பூக்கள் என்று முயற்சி செய்ய Nursery Tray உதவியாய் இருக்கும். விதைகளின் முளைப்பு திறன் அதிகரிக்கும். நமக்கும் வாங்கிய விதைகளின் Germination Rate-ஐ எளிதாக கண்டுபிடிக்கலாம். நாற்று எடுத்து பாத்திகளில்/தொட்டிகளில் எடுத்து நடுவது எளிது. 

Nursery Tray இங்கே லோக்கல் நர்சரிகளில் கிடைப்பது இல்லை. போன முறை Agri Index 2013-ல் ஒரு ஸ்டாலில் Standard Tray – 98 holes (7 by 14) இருபது ரூபாய்க்கு கிடைத்தது. ஒரு ஐந்து வாங்கி வந்தேன். அதன் பிறகு பார்த்த எல்லா கண்காட்சிகளிலும் ஒரே ஒரு நிறுவனம் மட்டும் Standard Tray விற்கிறார்கள். அநியாய விலை (ஐம்பது ரூபாய்). போன வாரம் இங்கே புதிய தலைமுறை-யின் விவசாய கண்காட்சியிலும் அதே நிறுவனம், அதே விலை தான். Coir Pith-ஐ  Rs.120 என்றார்கள். மக்களும் ஒரு சின்ன Grow Bag-ல் ஒரு தக்காளி செடியில் ரெண்டு தக்காளியை பார்த்ததும், என்ன விலை என்று கூட தெரியாமல் வாங்கி தான் போகிறார்கள்.  

  

Standard Tray –ஐ பயன்படுத்தும் போது குழிகள் சின்னதாய் இருப்பதால் சீக்கிரமே எடுத்து நட வேண்டிய வரும். அதனால் 50 holes ( 5 by 10) Tray தேடி பார்த்த போது எங்கும் கிடைக்கவில்லை. இணையத்தில் கூட கண்டுபிடிக்க முடியவில்லை. பிறகு Justdial எல்லாம் தேடி, கடைசியாய் இங்கே Satish Agro –கை  கண்டுபிடித்தேன். எல்லா விதமான Nursery Tray-யும் வைத்திருக்கிறார்கள். Standard Tray – 98 holesஐ Rs.20க்கும் , 50 Holes Tray- Rs.25க்கும் கொடுத்தார்கள். ஒருவழியாய் Nursery Tray தேடல் முடிந்தது.

1.         பெயர்/நிறுவனம் – SATISH AGRO TECH

                      இணைய முகவரி - http://www.sathishagrotech.com/services5.html

                  தொடர்பு எண் -  http://www.sathishagrotech.com/contact.html

          இடம் -   18/1, Shanmuga Nagar, Sungam ByPass Road

                      வழி – உக்கடம் டவுன் பஸ் ஸ்டாண்டில் இருந்து சுங்கம் பை-பாஸ் சாலையில் வரும் போது ரெயில்வே லைன் மேம்பாலம் தாண்டியவுடன் இடது பக்கம் திரும்பினால் திருச்சி ரோடு, KG Cinemas எல்லாம் வரும். அதில் திரும்பாமல், ஒரு ஐம்பது அடி நேரே போனால் வலது பக்கம் இருக்கும் (கொஞ்சம் ரோட்டில் இருந்து கீழே இருக்கும்)             

GROW BAGS

மாடித் தோட்டம் எனும் போது எடை அதிகமான சிமெண்ட் தொட்டிகளை தவிர்பதர்க்காகவும், கையாள எளிதாக இருக்கும் என்பதற்காகவும் நாம் இந்த GROW BAGS பயன்படுத்துகிறோம். GROW BAGS-ல் இரண்டு வரை இருக்கிறது. ஓன்று பாலிதீன் வகை (கீழே இருப்பதில் வெள்ளை நிறம்), மற்றொன்று பிளாஸ்டிக் தார்ப்பாய் போன்ற ஒரு Material-ல் வருவது (கீழே இருப்பதில் பச்சை நிறம்). பாலிதீன் வகை கொஞ்சம் விலை குறைவாக இருக்கும். பிளாஸ்டிக் தார்ப்பாய் போன்ற Material-ல் வரும் பைகளை நமக்கு தேவையான அளவு thickness வைத்து வாங்கி கொள்ளலாம். அவைகள் 80 GSM thickness முதல் 200 GSM thickness வரை  (Paper thickness மாதிரி) நாம் கேட்ட Material-ல் செய்து கொடுக்கிறார்கள். கீரை வளர்க்க வட்டமாய் வாங்கும் பைகளை நாம் குறைந்த GSM-ல் வாங்கி கொள்ளலாம். அதிக GSM போகும் போது விலை அதிகமாக இருக்கும். ஆனால் நீண்ட காலம் உழைக்கும். எல்லோருமே இந்த GROW BAGSகள் இரண்டில் இருந்து நான்கு ஆண்டுகள் வரை உழைக்கும் என்கிறார்கள்.

பொதுவாய் Standard Size Bag (பச்சை/ஆரஞ்சு நிற பை) Rs.50 க்கு கொடுக்கிறார்கள். சில நிறுவனங்கள் அதையே Rs.60 க்கும், Rs.70 க்கும் கூட விற்பதை பார்த்திருக்கிறேன். ஐம்பது ரூபாய்க்கு குறைவாக நான் பார்த்ததில்லை.   

நான் இதுவரை பார்த்ததில் ARJUN GROW BAGS நிறுவனம் கொஞ்சம் உருப்படியாய் தெரிந்தது. நான் அவர்களிடம் 3 feet by 1 feet rectangular bags மூன்று ஆர்டர் செய்து Rs.90 க்கு வாங்கி இருந்தேன். GROW BAGSநன்றாக இருந்தது. 

  

1.         பெயர்/நிறுவனம் - ARJUN GROW BAGS

                      இணைய முகவரி - http://arjuncontainergardening.com/products.html

                    தொடர்பு எண் - http://arjuncontainergardening.com/contact_us.html

   Update as of Oct 2015

இப்போது Arjun Grow Bag நிறுவனம் இடம் மாறி விட்டார்கள். "Subhiksha Organics" என்று புதிய பெயரில் திருச்சி ரோடு இராமநாதபுரம் மாறி விட்டார்கள். நாம் காந்திபுரத்தில் இருந்து சுங்கம் ரவுண்டானா தாண்டி செல்லும் போது Alvenea School (இடது பக்கம்) தாண்டி ஒரு கி.மீ போனதும் இடது பக்கம் Naturals Spa மற்றும் வையகம் ஆர்கானிக் ஷாப் வரும். அதை ஒட்டி இடது பக்கம் ஒரு தார் ரோடு போகும். அதில் இரண்டாவது Right (You will see a small arch made with railway track rod with name 'கிருஷ்ணா காலனி') பிறகு அந்த தெரு முடிவில் left. அதில் இருந்து ஐந்தாவது கட்டிடம். கீழே உள்ள தொடர்பு என்னை அழைத்துக் கொள்ளுங்கள். 

SUBHIKSHA ORGANICS
Ph:  9443777778 / 9443034667 / 0422 - 23 11 577 / 0422 - 23 22 577
Mail : subhikshaorganics@gmail.com
        

இந்த விவரங்கள் எல்லாம் என்னுடைய தேடலில் கிடைத்த தகவலின் அடிப்படையிலேயே கொடுக்கிறேன். இதை விட வேறு நிறுவனங்கள் விவரம் தெரிந்தாலும் பகிர்ந்து கொள்ளுங்கள். 

கோவை நண்பர்கள் தோட்டம் சம்பந்தமாக, தோட்டம் பொருட்கள் சம்பந்தமாக என்ன உதவி, விவரம் தேவை பட்டாலும் என்னை தொடர்பு கொள்ளலாம். முடிந்த அளவுக்கு உதவி செய்கிறேன். gsivaraja@gmail.com க்கு ஒரு மெயிலை தட்டி விடுங்கள்.