ஜூன் சீசனில் இருந்து முதல் ‘என் வீட்டுத்
தோட்டத்தில்’ வருகிறது. முதலாய் கொஞ்சம் வித்தியாசமாக Red Globe Radish.
முள்ளங்கி பற்றி ஏற்கனவே விரிவாக முன்பு
‘என் வீட்டுத் தோட்டத்தில்’ வரிசையில் எழுதி இருந்தேன். முட்டைகோஸ்,
காலி ஃப்ளவர் விதை வாங்க Biocarve.com
–ல் பார்த்த போது
இந்த Red Globe Radish-ம் கண்ணில் சிக்கியது. பார்க்க அழகாய்
இருக்கிறதே, வழக்கமான முள்ளங்கிக்கு இது கொஞ்சம் வித்தியாசமாய் இருக்கும் என்று
இதையும் சேர்த்து ஆர்டர் செய்தேன்.
நீண்ட Growbag-ல் (1 by 3
feet ) பாதிக்கு இந்த சிவப்பு முள்ளங்கியும், பாதிக்கு வழக்கமான வெள்ளை முள்ளங்கியும் போட்டு
விட்டேன். இந்த முள்ளங்கியும் ரொம்பவே எளிதான செடியாகவே இருக்கிறது. எந்த
பிரச்னையும் இல்லாமல் வளர்ந்தது. செடி வெள்ளை முள்ளங்கி மாதிரி தான் இருக்கிறது.
பெரிதாய் ஒன்றும் வித்தியாசம் இல்லை.
Biocarve விதைகளின் முளைப்பு திறன் 50% தான் இருந்தது. மற்றபடி செடிகளின் வளர்ச்சி
நன்றாக இருந்தது.
வழக்கம் போல Coir pith, vermin compost, செம்மண் கலவை தான் Growing media. பூச்சி தாக்குதல் ஒன்றும் இல்லை. விதைத்து 45 நாளில் அறுவடைக்கு வந்துவிடும். ரொம்ப
நாள் விட்டுவிட்டால் முற்றி விடும். விதைத்து 45 - 50 நாட்களுக்கும் பார்த்து பறித்து விட வேண்டும்.
